Spatzen-Intoleranz?

Gestern schrubbte ich etwas angeekelt unsere Gartenschuhe aus, in die sich unsere Katze übergeben hatte. Igitt!!! Und während ich so schrubbte, kam mir auf einmal der Gedanke, ob unser Kater vielleicht erbrochen hat, weil er an einer Spatzen-Intoleranz leidet…? Und weiter überlegte ich mir, dass man ihn dann wohl dringend einem Atemtest unterziehen müsste, in dem man in der Ausatemluft misst, wieviel Spatz denn schon verdaut wurde. Da muss man alle 30 Minuten in ein Röhrchen pusten; zugegebenermassen nicht ganz einfach für eine Katze, aber Übung macht schliesslich den Meister, vielleicht müssten wir einfach vor dem Untersuch  ein bisschen trainieren mit ihm. Man müsste dann auch sicher stellen, dass er vor dem Untersuch nicht schon eine Feldmaus gesnackt oder an einer Blindschleiche geknabbert hat; das würde das Untersuchungsergebnis erheblich beeinträchtigen. Des Weitern ist es natürlich unabdingbar, dass auch der Spatz nüchtern ist, bevor er gefressen wird, denn sonst könnten allfällige Würmer in seinem Speiseplan falsche Ergebnisse erzielen.

Sollte sich dann tatsächlich herausstellen, dass unser Kater an einer Spatzen-Intoleranz leidet, wäre dies weiter nicht tragisch. Er könnte dann einfach jedesmal kurz an die Fensterscheibe klopfen, wenn er einen Spatz gesichtet hat, und wir könnten ihm dann eine Spatzase-Tablette verabreichen.

PS. Mein Ur-Grossvater litt ebenfalls an einer Spatzen-Intoleranz🤔  Kaum war einer der kleinen Vögel auf einem Baum in seinem Garten gelandet, holte er das Gewehr.

Totau entspannt

Ä Biitrag zum Schmunzlä vome Mami us der Gägend

Eutereäbe, Telefon u Gspräch flüge a mir verbiii, i muess aubä mega ufpasse dasi nüt düränangbringe u geng weiss um wäns geit wüu d Klasselehrerä vo üsere Mittlere isch no d Fachlehrerin vom Jüngste und d Tochter vor Spanischlehrerinlehrerin vor Mittlere geit mitem Eutiste id Schueu und gester am Eutereabe hase gse u de nid gwüsst ob si aus Lehrerin oder Mami da isch (i weiss nid ob sies gwüsst hett☺️) U wose gfragt ha ob es seie gsi sig wo mir hüt heig aglüte u xeit heig i müäss mis Meitli ga holä cho hett si zersch grad chli gstutzt irgendwie hett si mi o grad nid erwartet aber si hett du när gseit ja mou itze chöms ihre i Sinn; si heig no vomä Brüätsch verzeut u steu der vor itz hei diä di gliichi Muetter u das bin ii. I so Momänte muess me aubä eifach fründläch lächlä u so tue aus chämt me drus😉😉😉u wo hüt d Frou Sowieso hett aglüte hani se zersch fründläch im breitischte Bärndütsch grüässt wüu mir hei aui uh Fröid chunnt si vo dert wo z Grosi chunnt; aber ir Zwüschäziit hani mi gfragt ob si itz wäg üsere jüngstä Tochter alütet oder wägäm Grosse u ha mi hinnersinnt ob äch das überhoupt cha sii oder obi komplett fausch lige!? Es isch um üsi Chliinsti gange si wöue äs Gspräch, ono grad mit süsch zwe Fachpersone u no mir, ä runde Tisch quasi; u i ha du gfragt, was de o passiert sig, mir heige doch diesi Wuchä äs Gspräch gha? Jä scho aber me wetti haut doch nomau redä u zämäsitzä u disi Frou chöm o. Da lütets i mim Hirni. Mit genau dere Frou hani ja morn Morge e Sitzig, zämä mit der Schueuleitig vom Bächli-Schueuhuus; dert geits de aber umä Eutist.  Si wei informiere u rede wie si wei kommuniziere u scho chunnt der nächst Eutereabe iz Gspräch; 4 hei mer scho gha; zwe stö no bevor, aber mir hei doch numä vier Ching u o we si quer dür d Klasse gumpe bsueche si ir Regu gliichzitig numä geng eini oder tüüschi mi äch da? 4 Chind, 6 Eutereäbe, der Herr Zinggeli würd mer uf der Steu mis mathematischä Unvermöge bestätige, aber es dünkt üs gliich de langsam, itz heig me de öppe gnuä gredt, für das ja z nöiä Schueujahr ersch drü Wuchä aut isch😄

Es Mami